Media
Xarunta Cilmibaarista iyo Horumarinta Aadanaha ee Centre for Research And Human Development CRHD ayaa 9-10 December 2020, Magaalada Baydhabo ee xarunta gobolka Bay tababar ku saabsan Kaalinta ay dhalinyaradda Soomaaliyeed ka qaadan karaan Dimuqoraadiyada iyo doorashooyinka dalka.
Wasiir kuxigeenka wasaarada Dhalinyarada iyo Ciyaaraha Dowlad-goboleedka koofur Galbeed Soomaaliya ahna kusimaha wasiirka Abu Aw Suufi ayaa furay tababar ay soo qaban qaabisay CRHD oo ku saabsan Kaalinta dhalinyarada ee dimoqoraadiyada iyo doorashooyinka.
Gudomiyaha dhalinyaradda Dagmada Baydhabo Mohamed Adan Mohamed Dhagey ayaa dhankiisa qudbad ka jeediyay furitaanka tababarka, isaga oo sheegay dhalintu kaalin balaaranka ku leedahay is dhexgalka bulshada.
Gudoomiyaha Xarunta cilmi baarista iyo horumarinta Aadanaha Dr Luul Salaad Ibraahim oo xafladda furitaanka ka hadashay ayaa sharaxday muhiimada tababarkaan iyo waxa uu ku saabsanyahay.
Dr. Hassan Sheikh Ali Nor oo aalada Fogaan araga uga qayb qaadanaya tababarka ayaa u sharaxay dhalinyarada kaalinta ay ka qaadan karaan Dimuqoraadiyada iyo doorashooyinka dalka maadaama dalku jiro xili doorasho.
Dhalinyaradii ka qayb gashay tababarka ayaa su’aalo ku saabsan sida dhalinyaradu uga qayb qaadan karto Dimuqoraadiyada iyo doorashooyinka dalka waydiiyay DR Xassan Sheekh Cali Nuur oo tababarka ugu qayb qaaday aalada fagaan araga isaga oo ugu jawaabay su’aalihii ay ka qabeen.
CRHD ayaa u taagan awoodsiinta dhalinyarada si ay uga qayb qaataan Dimuqoraadiyada iyo doorashooyinka.
Xarunta Cilmi baarista iyo hormarinta Aadanaha ee CRHD ayaa 14-15 December 2020 magaaladda Muqdisho ku qabanaysaa dood cilmiyeed ku saabsan Kaalinta ay odayaasha dhaqanku ka qaadan karaan la dagaalanka Musuq maasuqa inta lagu jiro doorashooyinka.
Munaasabada ayaa waxaa furay gudoomiyaha CRHD, Dr Luul Salaad Ibraahim waxa ayna ka hadashay ujeedka laga leeyahay tababarka iyo muhiimada ay leedahay in ay odoyaasha dhaqanka ay ka hadlaan la dagaalanka musuqa xilliga doorashada.
Sheekh Cabdulxayi Sheekh Aadan oo ka hadlay dood cilmiyeed ku saabsan doorka Odayaasha dhaqanka ee la dagaalanka Musuq maasuqa xilliga doorashooyinka ayaa odoyaasha dhanka kula dardarmaay in ay soo xulaan hogaamiye wanaagsan oo dalkaan wax u qaban kara.
“Hoggaamiye wanaagsan soo xula hadii aad diidaan meeshaad ka gashaan aan ka galaynaa” ayuu kula kaftay odayaashii ka qayb galayay tababarka isaga oo sidoo kale ka sheegay sida diintu u diiday xatooyada iyo musuqmaasuqa.
Gudoomiyaha Ururka Nabada Soomaaliyeed Cabdulqaadir Axmed Ibraahim Xarago oo hadlay dood cilmiyeedka ay soo qabanqaabisay CRHD ayaa sheegay in musuqu soconayo inta siyaasiyiinta ay ku howlanyihiin qabyaalada.
“Madaxeynahayaasha hada jira waxa ay u shaqaynayaan qaab qablayaaladeed, Walaahi waa wax laga xishoodo” ayuu yiri Nabadoon Xarago.
“Hadii aan nahay odoyaasha dhaqanka waxa aan u ku dadaalaynaa in helo hoggaamiye Wanaagsan” ayuu hadalkiisa raaciyay.
Prof Xasan Sheekh Cali Nuur oo ka hadlay dood cilmiyeed ay soo qaban qaabisay Xarunta cilmi baarista iyo hormarinta Aadanaha ee CRHD ayaa kula dardaarmay in ka fogaado laaluushka.
“Hadii aadnaan dooran xildhibaan wanaagsan lama helayo madaxweyne wanaagsan, hadii aan la helin Madaxweyne wanaagsan lama helayo dowlad siyaasad cad leh”.
Odyaasha dhaqanka, dhalinyarada iyo haweenka ka qayb qaadanaya dood cilmiyeedka ay soo qanqaabisay CRHD ayaa dhiibtay aragtidooda ku aadan joojinta muuqa xilliga doorashooyinka.
Dr.Cilmi Maxamuud Nuur ”odyaasha Dhaqanka hadii ay kafikiraan sidee ku soo saari kartaan qof wax tar u leh Dowladnimada Soomaliya waddankaan wuu hagaa gayaa”.
Doodaan ayaa qayb ka aheyd dodo isdaba joog ah oo ay CRHD, u qabatay Odoyaasha dhaqanka, Haweenka iyo dhalinyarada si looga doodo doorashooyinka dalka iyo sida ugu wanaagsan ee loo soo afjari karo.
Xarunta Cilmi Baarista iyo Horumarinta Aadanaha ee CRHD- ayaa maanta magaaladda Muqdisho ku qabatay tababar ku saabsan tayaynta dhalinyaradda kaas oo lagu baranayay cashiro la xiriira Demoqoraadiyada, Nabad iyo Doorashooyinka waxaana furay Agaasimaha guud ee wasaaradda dhalinyarada iyo ciyaaraha Xukumadda Faderaalka ah Isaaq Xaashi Jimcaale.
Maamulka xarunta CRHD, oo ka duulaya muhiimtada talooyinka caafimaadka iyo xakamaynta xanuunka Covid-19, ayaa waajib ka dhigay xirashada Af-xirka(Facemask) dhamaan ka qayb galayaasha tababarka.
Agaasimaha Guud ee Wasaaradda dhalinyarada iyo Ciyaaraha Xukumadda Faderaalka Soomaaliya oo tababarka Furay ayaa dhalinyarada tababarka ka faa’iidaysanaysa kula taliyay in cashirada ay qaateen uga faa’iideeyaan shacabka Soomaaliyeed.
Dr Shaafici Shariif Maxamed, oo bixinayay tababarka ay soo qabanqaabisay xarunta cilmi Baarista iyo Horumarinta Aadanaha ee CRHD, ayaa dhalinyaradii tababarka ka faa’iidaysanaysay u sharaxay Dimuqoraadiyada iyo muhiimada ay leedahay bulshooyinka Caalamka.
Prof Xasan Sheekh Cali Nuur, oo dhalinyaradii ka qayb qaadatay tababarka u jeediyay cashir ku saabsan muhiimada ay leedahay doorasho ku dhacda jawi nabdoon ayaa kula dardaarmay in ay ka shaqeeyaan qodobada hortabinta u leh dalka iyo dadka Soomaaliyeed.
Prof Xasan Sheekh Cali Nuur “Dowladdu waa in ay dadka u maamusho sida ay shacabku rabaan, laakiin Dowlad rabta in ay jacaylkeeda dalka ku maasho doorasho maqabato ogaada”
Qaar ka mid ah dhalinyaradii ka qayb gashay tababarka ay maanta magaaladda Muqdisho ku qabatay xarunta Cilmi Baarista iyo Horumarinta Aadanaha ee CRHD, ayaa su’aallo la xiriira cashiradii la baray waydiiyay Professorada tababarka bixiyay.
Dhalinyaradii ka qayb gashay tababar labo maalin ah oo ay CRHD, ku qabatay Muqdusho ayaa la gudoonsiiyay shahaadoyin ka turjumaya cashirada ay qaateen.
Cabdi Aadan isku duwaha barnaamijyada CRHD, ayaa tababarka soo xiray isaga oo balanqaaday in xaruntu sii wadayso tababarada nuucaana si loo kobciyo aqoonta iyo tayada dhalinta Soomaaliyeed.